台北之旅 2016 （Day 2）

今日早上起身就落左酒店地庫食早餐，其實平時我好少落去食早餐，情願瞓多一陣...

不過陳生成日都話我嘥錢，有早餐跟埋都唔食，所以今次應承佢盡可能都起身陪佢食早餐啦！^____^

其實佢地D早餐唔差，都幾多選擇...至少一定食得飽！

嘩....呢個多士肥到呢....但其實係我食架！哈哈~ 去旅行有得食唔食，罪大惡極呀！^O^

佢地雖然唔係咩星級酒店，但野食一D都唔遜色架！

之後我地經過大堂見到有好多手工紙，原來係比住客親手做天燈。

（農曆正月十五係台北天燈節，即係中國情人節，亦都係我母親大人農曆生日）

所以我都整左一個天燈送比媽咪...^___^

有D係職員整左比人睇做範例（橙色的係陳生整）

我地都有好比心機好認真整架....

下面呢個（橙色）就係陳生送比我嘅天燈... ^3^

以下呢個就係我整比媽咪嘅天燈喇！^____^

玩左好耐終於都出發去我地今日第一個目的地 ---- 猴硐

我都幫小奸奸影左好多相...

終於都黎到喇...梗係要影返張到此一遊嘅相啦！^___^

一出火車就見到一隻我好鍾意嘅貓等緊我...哈哈！

猴硐又名貓村，四處都不難見到有貓嘅蹤影...黎過嘅朋友相信都唔洗我多介紹...

其實呢到都係我地今日嘅中轉站，順便落車行個圈而已。

呢到有好多舊式建築物，大部份都係賣一D同貓有關嘅紀念品....

仲有一個已經荒廢左嘅煤礦場....但我次次都無行上去睇...因為有D驚...哈哈！

呢到好多都係花貓，唔同色唔同樣...通通都有齊！（其實我好驚貓...影到呢D相都係因為我知道佢地唔驚人亦唔理人，所以我先夠膽行近少少...）

呢到連指示牌都係有個貓樣架！

仲有一個叫幸福郵筒，係比遊客寄明信片的。

呢個應該係呢到嘅站長...

真係畫得好靚...

我通常都係喺呢間買明信片，因為款式種類都比較多同齊全。

呢到D貓真係好比懶...懶到比人攪都唔願郁...=O="

我諗佢地每日最大嘅娛樂就係食同瞓...

呢到四圍D風景都好靚，比人一種好清優嘅感覺，呢個亦都係我鍾意台灣嘅原因之一。

呢到D貓同狗係唔會打交架，狗只係會同狗打交架咋...^++++^

下面呢個就係荒廢左嘅煤礦場，我有一下好奇好想知上到去係會點？但一望到條穿窿樓梯之後，我放棄！

因為我有嚴重畏高...一行D睇到下面嘅樓梯同吊橋就會腳軟....呢D重任都係交返比我老公啦！^^"

行完一轉就去下一個目的地，亦都係今日最主要嘅目的地 ---- 十分。

黎親十分我都一定會買呢個炸花枝食...其實好多夜市都有，不過總係覺得呢到好食D...可能係情意結卦。^____^

一望到呢群人我就腳軟...（我有人群密集恐懼症）迫都迫死啦！=_="

仲慘過行花市...可能你地會奇怪點解平日都咁多人？因為今日係正月十五，台灣天燈節！

我地每次黎台北都會帶定本簿仔蓋印仔，因為每過一段時間就會發現有新嘅印仔...

（好多捷運站都有，希望有日可以全部儲齊就好喇！^___^）

因為今日係天燈節，所以四處都會見到好多好有特色嘅燈籠高高掛...原本我都好想買返個返香港，但陳生講左一句︰「掛去邊呀？」我就放棄了....=____="

真係好靚...好吸引！如果唔係四圍都好靚同好多野食，我諗我真係會走....因為真係超級無敵勁多人！

到喇...舉辦會場。呢到先係最恐怖...人多到呢....=﹏="

我覺得恐怖過蘭桂坊倒數囉....

開始喇！原來係每隔一段時間就會一次過放一大堆天燈上天空，活動會直到晚上九點半先結束。

其實真係好靚同好壯觀...

但我始終對安全問題有疑問，雖然因為呢到同市區有一定距離...但始終四圍都好多樹木、住宅、馬路...一次過放咁多天燈上天，但又唔知佢地會飛幾遠，又唔知佢地會幾時燒著下墜......我覺得有一定危險性。=︿=

以下呢條片係我當時拍，有興趣可以睇下。

睇完之後我地趁活動未完就走，因為嗰到有過千人聚集，但火車只得一架，如果一齊走可能天光都返唔到出市區。

（我地走嘅時候已經要分流，但又有好多唔守規矩嘅人爭先恐後，所以都花左好長時間先行到出火車站月台）

唔知係咪因為節日關係，架火車同我地之前坐嘅唔同，佈置得好靚。可惜人太多，唔可以影多幾張相...

因為返到台北市已經好夜，又諗唔到食乜...（又落雨）

所以只係喺酒店附近711買左D飯糰食。雖然我覺得唔夠日本711賣嗰D咁好食，但都唔錯喎！尤其係泡菜飯糰，好味！

呢隻朱古力奶我次次都會買黎飲，可惜香港唔見有得賣啦！

陳生就買左呢隻蜂蜜啤酒，佢話好飲過菠蘿啤喎....

#今日發生左一件令我極度唔開心嘅事情，就係我返到酒店先發現我唔見左其中一隻小奸奸...T_T，隻公仔係陳生聖誕節買比我架...之前已經唔見過一次，但喺759搵返，點知今次又唔見左。陳生冒住雨走出去沿路幫我搵過一次，但都搵唔返...我最後忍唔住喊左出黎。希望好似陳生咁講，會有個好主人收留左佢，佢以後可以喺台北好好生活啦！T___T