今日我地第一個目的地就係---自由之丘。
呢到比我感覺好高尚住宅，街比較闊，人流比較少，空氣都清新好多。
四處都唔會有好多好高嘅建築物，好多都係獨立一間間嘅小店。
呢D咁日式嘅食店喺東京旺區就比較少見...
今年因為天氣比較暖嘅關係，原本打算黎睇紅葉，但都唔多覺...只好睇住呢D先啦！哈哈哈哈~^_^
呢一幕好似曾相識，同一本漫畫入面嘅一個場景幾似（不過我唔睇漫畫，我都係喺網上無意中見過）
其實我真係好想搭呢D火車（如果再舊式D就仲好啦）好有拍緊日劇嘅感覺。
好喇！終於都黎到今日其中一個目的地喇！就係杜如風介紹嘅芝士撻喇！
都真係唔講得笑，我排緊嘅時候，條龍都兜左一個圈...
喺出面睇入面D員工係無停過手...芝士撻係不停咁出爐架！
睇下D場面幾震撼...係全場擺滿都做唔切架....（不過日本人又好鬼斯文，好慢條斯理）
終於都望見家鄉喇....（我排左半個鐘有多呀）T_T
我地買左六個，佢地指明係要6個起....
真係好流心架...不過呢......凍左囉。
因為太多人買，佢地包裝又慢，結果去到我地手嘅時候已經唔熱喇...打哂折扣。
同埋可能我對佢期望太高，所以食完之後就覺得唔太特別。
聽聞喺香港買都要排個半鐘，我就覺得唔係太值。不過見仁見智啦！各人口味唔同，如果大家唔趕時間又想試下嘅，咁喺日本食點都正宗D...而且唔差嘅。
下一個目的地就係涉谷喇...陳生話呢個係全世界最多人嘅十字路口，一定要影喎。
四處都人頭湧湧，十足晚飯時候嘅銅鑼灣一樣...
其實我有人群恐懼症，一見到人多我就會想走....
不過咁遠黎到，點都要感受下呢D熱鬧氣氛嘅......
最好笑係我地行左兩個圈都搵唔到啱心水嘅野食，
最後我地就決定去食返上次嗰間壽司店《元祖壽司》
大件夾抵食，魚又新鮮又厚切...大部份都係即叫即做，雖然佢有好多分店，但主要都係做日本人生意，所以入去食又係要看圖識字。
陳生話D吞拿魚好好味，香港嗰 D差好遠。
睇下足料到望住都開心....
赤貝又大隻又肥美.....但價錢真係好平，圍返都係十蚊碟左右。
D蝦大隻到有手掌咁長架，
呢碟池魚壽司好食到我完全停唔到口..（日本叫竹莢魚）
平民價嘅高級壽司，真係唔食唔得！
我第一次見黑色玻璃樽嘅 ZERO，係成個樽都全黑色架。
今日就咁飲飽食醉之後就返酒店喇，聽日係最後一日，要執定行李。
明晚再續...晚安！ ^_^
要買6個, 食完都唔駛食其他野啦.
回覆刪除好細個架咋，不過都幾漏...食完佢就直到晚餐先再食野喇。^__^
刪除