東京之旅2015（DAY 7）

終於都嚟到旅程嘅最後一日喇...雖然好唔捨得，都係時候要返地球喇！（返香港...^___^）
交完房，放低行李喺酒店之後，我地就去買車飛（N'EX），因為係要劃位嘅關係，所以要預早少少買定，如果唔係就會趕唔切入機場。我地去到時都已經剩返兩點幾嗰班車。

之後我地就去食喺東京嘅最後一餐早餐喇！

又係去返上次我食PANCAKE嗰間CAFE食，臨別秋波嘛！^___^

我都係好專一咁食返上次嗰個pancake同埋飲返上次嗰款炭燒咖啡...

（睇相都已經好懷念...真係好想食多幾次）

陳生就揀左一款似甜品多過早餐嘅栗子pancake...雖然望到都覺得飽，但其實真係幾好味，同埋佢D栗子蓉唔太甜又唔漏，唔錯架！

我就始終鍾情於黑糖...同pancake 簡直係Perfect match...^____^

之後我地就返酒店坐左一陣，好好享受埋喺東京嘅僅有時光....

等我幫陳生影返張偽文青相留念啦....

其實本書無字架.....哈哈哈哈~

呢到就係我今次東京之旅嘅戰績喇...

（好多朋友都話就咁睇，我好似買左唔係好多野咁...

因為我D朋友一個人都已經兩個 FULL喼 ）

好喇！終於都要起程喇....

好感恩今次出門日日都好好天...令我嘅旅程好完滿咁結束。

可能時間尚早，新宿無咩人搭車...

四處都好靜...仲有白鴿幫我地送行添...

終於有車喇黎...NEX....

車廂入面仲有顯示屏話比你知你去到邊同幾時落車...

沿途風景好靚，見到好多日本舊式平房...

瞓左一覺，終於黎到機場喇...嘩！好鬼多人呀！

排哂長龍...CHICK IN 已經一條龍，之後寄行李又要再重新排過，佢地人手又唔夠，每部CHICK IN 機都要有一個地勤企喺到教人CHICK IN...之後又要有個人企另一邊教人排隊寄行李...人太多睇唔到又要搵多個人指揮D乘客向前行...其實安排都幾混亂下，而且好浪費時間。

因為排隊排左好耐，行去候機室路程又遠，結果我地都唔可以喺機場好好行下就直接去等上機...（好彩上機前都買到幾盒小食同朱古力 ^___^）

終於都上左機喇...外面天都已經黑哂...我地終於要回家了！

上機無耐就有空姐派小食...每人一包。（因為我好肚餓，所以兩包比我食哂）^___^

上面嗰份係陳生揀嘅素菜餐（我都唔知點解要揀素？佢話特別D喎）

下面嗰份係我嘅正常餐...好正好好味呀！淨係賣相都嬴哂啦！仲要好好味呢...^___^ v

就係咁我地嘅東京之旅2015就完結左喇...返到香港攞埋行李都差唔多十二點幾...

希望好快我地就有機會再黎玩過啦...bye bye！

p.s. 之後我會有一篇only寫我今次喺東京買左D乜...有興趣可以留意下！^___^