講返正題，話咁快就秋天，仲要難得日元大瀉，陳生都皇恩浩蕩特准今年去日本過我地嘅相識10週年及結婚週年紀念日。
好大個眼袋呀！梗係啦！零晨機呀！我仲要一早起左身，但要聽晚先有得瞓喇！T_T
今次只係帶左兩個喼同兩個旅行袋去，不過都足夠放哂陳生D血啦！
佢係我地今次旅程其中一個伴（件衫我特登為左今次旅程親手整架）^0^
上機前合照乃常識吧！^_^
我地大約朝早六點幾就到東京
第一次去日本，心情有D緊張...^_^
落機第一件事就走去買左兩張"西瓜卡"，但因為唔夠瞓嘅關係，我唔記得影相...=_="
跟住就上車去我地第一個目的地，你地睇下個景幾靚（心心眼中）
呢個呢.....我第一次望完覺得有D頭痛，對於我呢D正牌路痴，左右不分嘅人係唔會識睇東京嘅車站路線圖！咁偉大嘅重任梗係交比我嗰全能老公啦！
第一站...無錯！就係築地喇！人地話黎東京唔去築地就千祈唔好同人講你去過東京，所以我要影相為証！（白痴中...）
當香港人覺得6、7點係好早嘅時候，築地市場已經忙得不可開交，我地都要行快兩步，唔敢阻住人地開工。
原本都有動搖過搵傳說中最好食嗰 兩間壽司X 同 X壽司，但當我見到條人龍之後，我放棄！如果要排我諗下午都未有得食。
最後我地好是但咁入左間唔太多人嘅小店，陳生話日本食壽司間間都差唔多啦！
（係唔係呢...我最後回程講你知！）
望住D餐牌真係滴哂汗...乜黎架？
於是我地又好是但咁看圖識字咁叫左個餐。
都幾豐富架，賣相唔差。
味道？梗係好過香港好多啦！^0^
呢個呢就係場外小店買嘅玉子，雖然我平時都麻麻地...但係黎到日本點都要試下日本人極愛嘅小食啦！（但我食左一啖就比左陳生，甜蛋我本人真係麻麻）
一早已經人頭湧湧，好似朝早陪阿婆行街市咁迫。
行左一個圈我地就決定走下一站喇。
無錯！就係去OUTLET喇...女人點會唔去丫！
呢個就係東京新開嘅幕張三井OUTLET。我地都買左好多野，不過講真就真係唔算好大，都唔算好多好平...買左D乜就遲D再講啦！
之後我地就返酒店，又係恐怖時刻（有密集恐懼嘅朋友望到呢幅JR路線圖一定好驚）
因為我都好驚...
嘩！男神呀！唔係唔影呀嘛！（又心心眼中）...
我地就係住新宿呢間酒店喇！好大隻恐龍呀！其實都幾真，近睇都幾驚...哈哈！
行左成日終於到晚餐時間喇，我地去左食拉麵。呢間唔係普通拉麵黎架，據講係用魚淆嘅湯底，日本唔常見，所以我呢個魚怪一定要黎試啦！（就係新宿咋）
呢碗野呢...又係唔識日文就出事，佢就咁寫HOT，咁我食辣就梗係揀HOT啦！點知...睇到個顏色都已經夠HOT...正宗地獄拉麵咪呢D囉。一路食條脷就一路痛，不過又真係唔同平時香港食嗰D辣喎，會愈食愈惹味架！（呢D咪犯賤囉...哈哈）
之後我地就去左711行下，買左D小食做宵夜。唔好笑呀！日本711真係唔講得笑，好多荀野賣架，我偶像杜如風都話正嘅日本飯糰，我梗係要買黎試下啦！真係好好味！我食左幾晚都仲想食...（陳生笑我去日本買711飯糰食，咁唔使出去食啦！）唔同嘅...總之就唔同啦！
好喇！夜喇！明天再續！（速閃....）
我去到築地都唔會排隊, 太浪費時間了, 7-11的飯團係好好食, 我經常用來做早餐及午餐, 返到香港就香港7仔果啲知完全唔得.
回覆刪除我喺香港711係唔會買飯糰食，因為我總係覺得好似擺咗好耐好唔新鮮咁....
回覆刪除