就係「咖啡弄」喇！其實香港都有，不過總店係喺台北...而且好多朋友都覺得台北係好食過香港囉...^_^
先黎一杯炭燒咖啡....好香濃！唔錯！^^
之後陳生就揀左食原味 pancake...其實我真係好想問pancake係咪一定要加忌廉呢？點解去邊到食都會有一大堆忌廉跟埋？我有些少懷疑其實呢個係甜品，唔係主菜囉...哈哈哈哈
而我就揀返之前黎食過嘅烤牛肉三文治...都係嗰句啦！因為佢所以我先再黎，再黎就梗係食返佢啦！^____^
（陳生成日都問我︰你唔試其他？可能其他都好食呢...
但...返黎係為左食佢，而黎到唔食佢...咁我做咩要咁遠黎呢到？）^^"
真係好厚好香好好味架！^____^
之後原本打算去睇蛋黃哥展覽，點知又橫風橫雨...結果我地就去左附近嘅江南批發市場到行，睇下D文具咁...
夜晚我地就返去永康街食飯...
我同好多朋友都一樣，黎台北係絕對唔會去食鼎 X 豐...因為如果要食小籠包，台北實在太多太多更好選擇...如果純粹想食上海野...高記一定係更好選擇！
呢個蟹殼黃我每次去高記都一定會叫，真係好酥皮...^__^
以下呢個係重點推介！蛋黃豆腐煲！真係好好味！好香好重蛋黃香味，而且入面D料係真係好多，我地仲好後悔唔叫個白飯黎食...下次去台北一定要再食！
（我地最後係食到一丁點都無剩...）
呢個呢...我就好坦白...係有保留嘅。
鮮蝦抄手...起初我以為係類似紅油抄手，點知原來係鮮蝦雲吞走湯！
不過陳生都話係我理解錯，唔關人地事囉！^O^
雖然高記小籠包唔稱得上好好食，但相比起鼎x豐...我覺得係絕對可以接受！
（我之前有一次黎台北，但因為精神唔係咁好，所以唔去咁遠就去左鼎xx食，結果係完全中伏...之後我同返朋友講返起，佢地都話佢地去台北都唔會食...因為係真係唔好食囉！）
食完晚飯我地就喺附近散下步，行到去一間甜品店諗起之前有朋友推介過話好正，結果我地就去左食喇！嘿...嘿！得幾度天氣我地去食....冰！
不過...呢間真係好好味！之前我地幾次黎台北都有行過，但次次都人頭湧湧，所以一直無機會試，今次可能因為真係好凍又夜，行過見無乜人就去試下，真係唔錯！佢地係用返台灣土產嘅芒果整，食落比平時食嘅芒果爽口D...但好鮮甜好香芒果味！如果夏天食佢就真係好消暑！
（我地仲見到有人買外賣...冰都可以外賣？返到去仲食唔食得架？我地估計夏天應該就唔得，呢個天氣行快兩步應該仲勉強可以囉...）
認住呢個招牌！正！
食到咁飽又唔想咁快返酒店瞓，於是兩公婆就去左行公園。
雖然我住過呢間酒店咁多次，但都無好認真行過呢個森林公園...因為真係好大....
今晚就黎散下步，順便等陳生可以影下相。
我就用手機影幾張全景玩下...哈哈！
呢到夜晚真係幾靚，如果無蚊的話，坐下談下心都唔錯架！^___^
好喇！又係時候介紹下我D戰利品喇！
最上面嗰幾盒全都係喺台灣製造嘅面膜，價錢平而且補濕效果好！
我之前都講過我有好嚴重皮膚敏感，所以我一向都唔敢亂買護膚品...呢幾盒好在唔會有太多花巧成份，無D乜乜波尿酸...敷完唔洗洗面直接瞓覺，第二日依然滑嘟嘟...^___^
廣源良嘅絲瓜水系列（綠白色盒）應該唔洗多介紹，好多人都識。因為台灣老字號，出名補濕好，而且價錢平，就算用完唔係靚左都一定唔會用壞你皮膚。不過我今次就買左佢嘅面霜，因為絲瓜水香港都有得賣，雖然可能會貴少少...但都係幾十蚊就有交易。
之後下面嗰D都係今日中午喺台北車站買嘅，三個玻璃樽係用7-11印花換。
台灣711印花真係好容易就儲得夠數，差在你好唔好彩，夠唔夠手快換得到。
我就行左十幾間711先搵到有得換，好多間都同我講叫我唔洗搵，應該唔會有存貨，好在我有個缺點就係好勝，間間問、間間搵...結果比我換到三個HELLO KITTY 樽。
（前日其實喺基隆我都好幸運咁買到一隻已經換購完畢嘅小奸夫同小奸夫毛毛記事簿...喺好多間全家都唔會有得換，因為係上期貨。但咁啱行到最後一間我又見到一隻放喺收銀機附近，於是我又厚住面皮問人地可唔可以賣比我？我喺香港黎，好快就走...點知咁啱個店長喺到，佢就好好心咁去搵返個舊巴曲入機，賣比我！我當時真係十級興奮...台灣人真係好有人情味！）
就係下面呢兩個喇！^___^
真係好靚，我唔會捨得用囉...^____^ v
食到咁飽又唔想咁快返酒店瞓，於是兩公婆就去左行公園。
雖然我住過呢間酒店咁多次，但都無好認真行過呢個森林公園...因為真係好大....
今晚就黎散下步，順便等陳生可以影下相。
我就用手機影幾張全景玩下...哈哈！
呢到夜晚真係幾靚，如果無蚊的話，坐下談下心都唔錯架！^___^
好喇！又係時候介紹下我D戰利品喇！
最上面嗰幾盒全都係喺台灣製造嘅面膜，價錢平而且補濕效果好！
我之前都講過我有好嚴重皮膚敏感，所以我一向都唔敢亂買護膚品...呢幾盒好在唔會有太多花巧成份，無D乜乜波尿酸...敷完唔洗洗面直接瞓覺，第二日依然滑嘟嘟...^___^
廣源良嘅絲瓜水系列（綠白色盒）應該唔洗多介紹，好多人都識。因為台灣老字號，出名補濕好，而且價錢平，就算用完唔係靚左都一定唔會用壞你皮膚。不過我今次就買左佢嘅面霜，因為絲瓜水香港都有得賣，雖然可能會貴少少...但都係幾十蚊就有交易。
之後下面嗰D都係今日中午喺台北車站買嘅，三個玻璃樽係用7-11印花換。
台灣711印花真係好容易就儲得夠數，差在你好唔好彩，夠唔夠手快換得到。
我就行左十幾間711先搵到有得換，好多間都同我講叫我唔洗搵，應該唔會有存貨，好在我有個缺點就係好勝，間間問、間間搵...結果比我換到三個HELLO KITTY 樽。
（前日其實喺基隆我都好幸運咁買到一隻已經換購完畢嘅小奸夫同小奸夫毛毛記事簿...喺好多間全家都唔會有得換，因為係上期貨。但咁啱行到最後一間我又見到一隻放喺收銀機附近，於是我又厚住面皮問人地可唔可以賣比我？我喺香港黎，好快就走...點知咁啱個店長喺到，佢就好好心咁去搵返個舊巴曲入機，賣比我！我當時真係十級興奮...台灣人真係好有人情味！）
就係下面呢兩個喇！^___^
真係好靚，我唔會捨得用囉...^____^ v
好多收穫呢!!
回覆刪除係呀！仲要係好難得嘅收穫！😬
刪除