今日係呢個旅程嘅最後一日，好失望地因為連連大雨關係，結果我地都係去唔到陽明山公園...希望下次有機會再去啦！
今朝早就喺酒店食埋早餐，放低行李之後再出發...
早餐有酥皮湯真係好...仲要新鮮熱辣辣...^___^
咩包都有...食返夠本！^o^
好喇！出發...今日目的地就係 ---- 北投。
其實我今次真係第一次去北投，所以都好開心！（雖然無得浸溫泉...）
好土！捷運站留影...哈哈哈哈！
北投四圍D風景都好靚，空氣清新...四圍都係花草樹木...人都精神D...心情都好D！
雖然唔算係花海...不過現場睇都好靚！
呢架車係某間酒店嘅車，但係好可愛！
呢D風景去邊到搵？邊到？北投圖書館...！
四處都見到好多小橋流水...好啱我呢D偽文青！哈哈哈哈~
呢到就係北投圖書館外圍
有個迷你河花池...
真係有河花架！
好似拍封面...哈哈~
呢到都有櫻花...雖然唔多，有好過無啦！^___^
佢係我今期（以後）嘅男主角...^____^
好靚仔！哈哈~
青山綠葉流水...正！
如果有時間可以慢慢行，四圍睇下D溫泉都唔錯。
我地仲參觀左北投嘅溫泉博物館...好和式建築。
呢個係第二個主角...
著衫浸溫泉你見過未？
一對小情人...（佢地都係我喺台灣一齊買的）
第三個女主角出場...佢叫小儀呀。^___^
其實我真係好鍾意同公仔影相...我覺得當一個人好寂寞嘅時候，佢地就係我最好嘅朋友。
好古色古香....
呢到其實TVB都有介紹過...有機會都想入去浸下，聽聞好舒服。
行下行下就黎到我地今日最主要去嘅地方 ---- 地熱谷。
現場睇感覺真係好正....
我又做龍友喇！^++++^
其實好多人都好怕嗰陣硫磺味...反而我幾OK喎...好過聞二手煙啦！
下面呢張影乜？四葉草...相傳一般種出黎都係得三塊葉，要好幸運先會搵到四葉草...所以四葉草係有幸運嘅意思...我地都好幸運咁喺一堆草入面搵到一片四葉...不過當然無摘啦！留比下一位幸運人士。^___^
行完一輪我地就返酒店攞行李，準備去機場喇！
去到台北車站時，先記得未食晏....咁就去食D野先啦！於是就入左間類似泰國餐廳，食D野先...
我地叫左個二人餐，有小食同兩碗麵...另外仲有雪糕送！
下面呢個係泰式沙律
呢個好似係薯餅...
我呢碗係冬蔭公海鮮湯麵...個樣似好辣，其實唔係好辣...
陳生嗰碗係牛肉湯麵...
（我唔記得間店叫咩名，因為無諗住再食...唔算難食，但唔會令你有想返轉頭再食嘅衝動囉）
原本諗住搭國光車入機場，點知遇到台灣UBER...又凍，佢開價又平...（好似兩個人三百蚊台幣）於是就上左車...佢嗰架仲要係七人車...但可能天氣唔好，佢兜唔到客，結果我地兩個人坐哂一架車直入機場！爽呀！
（其實有D朋友會覺得危險，始終喺第二個國家，又唔知呢個咩人，上佢車又唔知會車左我地去邊...其實我都唔推介人地去搭。不過我因為之前都試過搭一次，嗰次仲有另一家人一齊...而且我同陳生一齊，我就唔會太驚，有咩事都係兩個人一齊面對嘛！^___^）
去到機場例必就一定去一去睇HELLO KITTY啦！今次我其實買左好少野，因為個過程有D唔開心...唔知係咪我睇得太耐，而又好多野我嫌貴無買...個SALES最後係黑我面囉...攪到我買都買得唔開心...（唔係有無錢買嘅問題，係值唔值或有無需要買嘅問題嘛）
所以最後只係買左一個化妝袋同一個公仔匙扣就走...
上到機仲嬲....陳生因為要放行李上行李架，咁就企左喺走廊位置...有個空姐不停手指指咁好大聲同陳生講︰「雨傘不可以這樣放！」講左好多次，原本我無為意...但因為個空姐把聲好兇，所以我不期然抬高頭望一望...見佢指住陳生...
我就好認真咁望住個空姐講︰「他不懂普通話！他是香港人！你有什麼可以跟我說，他不知道你說什麼的。」她好似知道自己態度唔好，於是望住我不停講︰「不好意思！不好意思！」就走開。我覺得可以禮貌D嗎？
今期飛機餐好攪笑...大家見唔見到？
心心飯呀！哈哈~
（我呢個係兒童餐）^^"
正常餐係黃姜飯...但又配茄汁魚...=.="
好喇！台北再見喇！我地相約2017再見啦！ ^____^ <3 3="" p="">
